Macintosh (Mac OS ямаса OS X) операцион системаны пайдаланыўшылар төмендеги раскладканы ислетиў арқалы қарақалпақша шрифтте (кирилл) жазыўы мүмкиншилиги бар.

Бул раскладка инглиз тилдеги ‘qwerty’ раскладка тийкарланған болып, көбирек инглизше териўге үйренгенлер ушын қолайластырылған. Яғный, латын ҳәриплерди терсеңиз, кириллдеги жазыўы экранға басып шығарылады.

Ҳәриплердиң жайласыўын мына сүўретте көриў мүмкин:

Қарақалпақ тилиндеги қосымша ҳәриплерди териў ушын ‘option ⌥’ клавишасын басып турып, қосымша ҳәрипке жақын болған ҳәрипти басыў керек. Мысалы, ‘ә’ ҳәрибин басып шығарыў ушын, ‘option ⌥’ ды басып турып, ‘а’ ҳәрибин басыў керек. Соған уқсас рәўиште,
‘ҳ’ -> ‘option ⌥’ + ‘x’,
‘ө’ -> ‘option ⌥’ + ‘о’,
‘ғ’ -> ‘option ⌥’ + ‘г’, ҳәм соған уқсас.

Қосымша ҳәриплердиң жайласыўын төмендеги сүўреттен көриўиңиз мүмкин:

Бул раскладканы пайдаланыў ушын төмендеги силтемеге басып, архивты ашыў керек:

qaraqalpaqsha_layout_mac.zip

Архивтың ишинде qaraqalpaqsha_layout.bundle деген файл жайласқан. Сол файлды ‘/Library/Keyboard Layouts’ папкасына көшириў керек. Соннан кейин “System Preferences” ке кирип, төмендеги избе-изликти әмелге асырыў арқалы қарақалпақша раскладка системаңызға қосылады:

1) “Keyboard” қа кирип …

2) “Input Sources” колонкасын сайлап, ‘+’ кнопкасын басып …

3) “Kara-Kalpak (Cyrillic)” дегенди белгилеп, “Add” кнопкасын басыў менен қарақалпақша раскладкадан пайдаланып баслаўыңызға болады: